Cibulkova ta lashe gasar tennis ta Singapore

Dominika Cibulkova ce ta lashe gasar kwallon
tennis ta kwararru ta mata da aka kammala a
Singapoe a ranar Lahadi.
Cibulkova 'yar kasar Slovakia, ta lashe kofin ne,
bayan da ta doke wadda take a matsayi na daya
a jerin iya wasan a duniya Angelique Kerber da ci
6-3 da 6-4.
'Yar wasan mai shekara 27, ta ce rana irin ta
Lahadi ba za ta taba mancewa da nasarar da ta
yi ba.
Cibulkova ta kai wasan karshe ne a ranar
Asabar, bayan da ta ci Svetlana Kuznetsova a
dukkan fafatawa ukun da suka yi.